अशाप्रकारे तयार करा वंशावळ.

वंशावळ तयार करणे हे एक भावनिक आणि माहितीपूर्ण काम असते. ती तयार करताना खालील गोष्टींची काळजी घेणे आवश्यक आहे,

सगळ्यात आधी सर्वात जुनी पिढीपासून सुरुवात करा: तुमच्या कुटुंबातील सर्वात जुन्या ज्ञात व्यक्तीपासून, म्हणजे खापर पणजोबा किंवा त्याही आधीच्या पिढीपासूनची नावे लिहा.

नंतर उतरत्या क्रमाने पुढे जा: त्यांच्या मुलांची, म्हणजे पणजोबांची नावे; पुढे आजोबांची, मग वडील किंवा काकांची, आणि अखेरीस आपली व आपली भावंडे यांची नावे लिहा.

आता नातेसंबंध स्पष्ट करा: प्रत्येक नावासमोर त्याचा अर्जदाराशी असलेला संबंध (उदा. आजोबा, वडील, मामा, भाऊ इ.) या गोष्टींची माहिती द्या.

खात्रीशीर माहिती वापरा: वंशावळ तयार करताना फक्त ऐकीव माहिती न वापरता, खालील अधिकृत कागदपत्रांचा आधार घ्या,

• तहसील किंवा महसूल विभागातील जुने नोंदवही
• कोतवाल बुक (जन्म-मृत्यू नोंदी)
• शाळेचे जुने दाखले
• जमीनखत, कर पावत्या, किंवा जुनी मालमत्ता कागदपत्रे

ही कागदपत्रे तुमच्या वंशावळीची विश्वसनीयता आणि कायदेशीरता सिद्ध करण्यात मदत करतात.